Россиянинг урушдаги ғалабаси ёки Украинанинг қулаши «тинчликка олиб келмайди». Бу ҳақда Германия канцлери Олаф Шолц 13 феврал, пайшанба куни Берлинда журналистларга маълум қилди.
Сиёсатчи АҚШ президенти Доналд Трампнинг «ўлим ва қон тўкилишини» тўхтатиш учун Россиянинг Украинага қарши уруши имкон қадар тезроқ якунланиши кераклиги ҳақидаги фикрига қўшилишини тушунтирди. У, шунингдек, Оқ уй раҳбарининг Владимир Путинга қўнғироқ қилиш ҳақидаги қарорини қўллаб-қувватлади ва ўзи ҳам Россия президенти билан гаплашганини эслатди. Шу билан бирга, Шолц Украина суверенитетини сақлаб қолишга имкон берадиган «узоқ муддатли» ва адолатли келишувга чақирди. «Шунинг учун биз ҳеч қачон буйруқ остидаги тинчликни қўллаб-қувватламаймиз», деб қўшимча қилди у.
Шолц: Тинчлик шартномаси Украинага мажбуран юкланмаслиги керак
Аввалроқ Германия канцлери Доналд Трампнинг Владимир Путин билан музокаралар ҳақидаги изоҳлари фонида Politico нашрига берган интервюсида Украинадаги урушни тўхтатиш бўйича келишув Киевга мажбурият шаклида юкланмаслиги кераклигини айтди.
Шунингдек, у Украинага «тинчлик келишувидан кейин ҳам ривожланишга» имкон берилиши кераклигини, бу унинг урушдан олдингидан кўра кўпроқ ва Ғарб қуроллари билан жиҳозланган «кучли армия»га эга бўлишини англатишини айтди. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
