АҚШдан Россияга ёқадиган яна бир қадам...

Financial Times газетасининг ёзишича, Қўшма Штатлар G7 баёнотида Россияни «тажовузкор» деб аташдан воз кечиб, анъанавий бирликни издан чиқариш билан таҳдид қилмоқда. Бу ҳақда нашрга беш нафар ғарб расмийси маълум қилди.

FTʼнинг ёзишича, келишмовчилик Трамп Зеленскийни «диктатор» деб атаган ва Россияни G7 таркибига қайтаришни таклиф қилганидан кейин юзага келган. Нашр манбаларига кўра, Америка махсус вакиллари G7 етакчилари 2022 йилдан бери ҳарбий ҳаракатларни тасвирлашда ишлатиб келаётган «Россия агрессияси» ибораси ва шунга ўхшаш формулаларга эътироз билдирмоқда.

Бундан ташқари, FT маълумотларига кўра, Зеленскийнинг G7 виртуал саммитида иштирок этиши ҳам ҳозирча келишиб олинмаган. «Замин»ни Telegram’да ўқинг!