АҚШ давлат котиби Трамп қандай шартга асосан Путин билан учрашишини айтди

^{Фото: Getty images}
АҚШ ва Россия президентлари Доналд Трамп ва Владимир Путин ўртасидаги учрашув эҳтимоли «кўп жиҳатдан Украинадаги урушни тугатиш бўйича музокараларда муваффақиятга эришиш мумкинлигига боғлиқ». Бу ҳақда АҚШ давлат котиби Марко Рубио 20 феврал, пайшанба куни X платформасида трансляция қилинган журналист Кетрин Херрижга берган интервюсида маълум қилди.

Трампнинг Путин билан учрашуви шартлари

Рубио 18 феврал куни Ар-Риёдда Россия ташқи ишлар вазири Сергей Лавров билан музокаралар чоғида Трампнинг Путин билан учрашувини муҳокама қилганини айтди. Аммо Лавров ва Россия расмийларига «у нима ҳақида бўлишини билмагунимизча, учрашув бўлмайди» дейилди, деб қўшимча қилди Рубио.

«Одатда бундай учрашувлар қандайдир натижа маълум бўлмагунча ёки қандайдир ютуқларга эришилмагунча ўтказилмайди», деб тушунтирди Америка ташқи сиёсат идораси раҳбари. Бироқ, агар АҚШ ва Россия Украинадаги урушни тугатиш бўйича музокараларда муваффақиятга эриша олса ва Трампнинг Путин билан учрашуви келишувни мустаҳкамласа, «ҳамма президент Трампни тинчликпарвар сифатида шарафлаши керак», деди у.

Россиянинг ниятлари жиддийлигига ойдинлик киритиш керак

Трамп Путин билан телефон суҳбатидан сўнг феврал ойи охиригача у билан шахсан учрашиши мумкинлигини айтган бўлса-да, Рубио бу қачон юз бериши мумкинлигини «билмаслигини» айтди.

Шу билан бирга, унинг сўзларига кўра, Америка президенти Россиянинг Украинага қарши урушни тўхтатиш борасида қанчалик жиддий эканини билмоқчи. Буни текширишнинг ягона йўли Москвадан тўғридан тўғри сўраш, дея қўшимча қилди Рубио. Саудия Арабистонидаги музокаралардаги ягона келишув тинчлик ҳақида гапиришни давом эттириш нияти эди, дея тушунтирди у. “Замин” янгиликларини “Telegram”да кузатиб боринг