Украина президенти Володимир Зеленский 24 феврал куни G7 нинг онлайн саммитида АҚШ президенти Доналд Трамп билан гаплашиб олганини маълум қилди.
«Канада раҳбарлиги остидаги «катта еттилик» давлатларининг йиғилиши доирасида жуда яхши суҳбат бўлди… Биз Қўшма Штатлар бошқа шериклар каби қўллаб-қувватлашни давом этишига жуда умид қиламиз. Албатта, биз Европа ва Қўшма Штатлар ўртасидаги ушбу бирдамликни йўқотмаслигимиз керак», — дейди Зеленский.
Украина президенти ўзаро суҳбат тафсилотларини очиқламаган. Трамп эса ҳозирча Зеленский билан мулоқотига изоҳ бермади.
Трамп сўнгги кунларда Зеленскийга нисбатан ўта қаттиққўл гапириб, уни “диктатор” деб атади ва уни “ноқонуний”ликда айблади. Бу Украина Қўшма Штатлар билан минерал ресурслар бўйича келишув имзолашдан бош тортган бир пайтда содир бўлди.
Зеленский жамоаси 2024 йил охирида хавфсизлик кафолатлари эвазига АҚШга Украинада фойдали қазилмаларни қазиб олиш ҳуқуқини бериш таклифини ишлаб чиқди. Бироқ Трамп президент лавозимига киришгач, келишувга бошқача қарай бошлади – аслида у Украинага аллақачон юборилган ёрдам эвазига фойдали қазилмаларни қазиб олиш ҳуқуқини, қўшимча хавфсизлик кафолатларини бермасдан талаб қилмоқда.
Трамп ва Зеленский ўртасидаги можаро фонида Қўшма Штатлар Киевга дипломатик ёрдам беришни амалда тўхтатди. Шундай қилиб, Вашингтон "Катта еттилик" йиллик баёнотида "Россия тажовузкорлиги" иборасини эслатиб ўтишдан бош тортди ва БМТнинг тегишли резолюцияси лойиҳасини қўллаб-қувватламади.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
