Олий Рада депутати Зеленскийни ҳокимиятдан ким ағдаришини маълум қилди

^{© AP Photo / Evgeniy Maloletka}
Владимир Зеленскийни ўз шериклари ҳокимиятдан четлатади. Бундай фикрни тергов ҳибсхонасида сақланаётган Украина Олий Радаси депутати Александр Дубинский ўзининг Telegram-каналида маълум қилди, деб ёзмоқда РИА Новости.

“Уни (Зеленскийни – таҳрир) ҳозир атрофидагилар ағдаради, чунки у аллақачон ўмарган нарсалари билан қочишларига тўсқинлик қилмоқда”, — деб ёзади у.

Парламентарийнинг фикрича, Зеленскийнинг яқин доиралари улар талон-тарож қилган маблағлар миқдори ошкор этилмагунча у билан муомала қилишлари кераклигини тушунишади.

Аввалроқ Дубинский Зеленскийни бир қанча сиёсатчилар ва журналистлар, жумладан, Украина ИИВ раҳбари Денис Монастирскийни ўлдирганликда айблаган эди. Дубинскийнинг сўзларига кўра, жабрланганлар орасида қамоқда вафот этган америкалик журналист Гонсало Лира, Украина Олий Радасининг вафот этган собиқ депутати Иля Кива ва Киевда ўлдирилган Бош разведка бошқармаси ходими Денис Киреев ҳам бор. “Замин” янгиликларини “Telegram”да кузатиб боринг