Овал кабинетда ўтказилтган учрашувда Зеленский Трампга нималар деди?

^{Фото: BFMTV}
Вашингтонда АҚШ президенти Доналд Трамп ва Украина президенти Володимир Зеленскийнинг учрашуви бўлиб ўтди.

Трамп Оқ уйга кириш эшигида Зеленскийни кутиб олди. АҚШ ва Украина етакчилари журналистлар томон юзланди ва Трамп уларга муштини кўрсатди. Улар ўзларига берилган саволларга жавоб қайтармади.

Трамп ва Зеленский музокаралар давомида фойдали қазилмалар тўғрисидаги битимни имзолашлари керак эди. Қўшма Штатлар президенти Оқ уйдаги журналистларга ушбу ҳужжат «АҚШнинг катта мажбуриятига» айланишини айтган. Ўз навбатида Зеленский «мазкур ҳужжат Украина учун олдинга қадам бўлишига» умид билдирган.

Associated Press’нинг маълум қилишича, учрашув давомида Зеленский Россия президенти Владимир Путин билан муросага бориб бўлмаслигини таъкидлаган. Агентлик маълумотларига кўра, Овал кабинетдаги учрашувда Зеленский Путинни «қотил ҳамда террорчи» деб атаган ва Трампга «қотил билан ҳеч қандай муроса бўлмаслигини» айтган.

Зеленский Трампга кўрсатиш учун ўзи билан чоп этилган суратларни олиб келган. Унда Россия асирлигидан қайтган украиналик ҳарбийлар тасвирланган. “Замин” янгиликларини “Telegram”да кузатиб боринг