Коллаж: “Дарё”
АҚШнинг Каролина штатида кенг кўламли ўрмон ёнғинлари сабабли фавқулодда ҳолат эълон қилинди. Аҳолини эвакуация қилиш ишлари олиб борилмоқда. Бу ҳақида CBS News'га таяниб Дарё хабар берди.
Шимолий Каролинадаги ҳолат
Штатда ёнғин хизмати ходими Жереми Уолдропнинг сўзларига кўра, Полк округидаги ёнғин 400 дан 500 акргача бўлган майдонни қамраб олган. Ёнғинлар тез суръатда авж олаётгани сабабли Трён ва Салудадаги аҳоли эвакуация қилинмоқда.
Маълумотларга кўра, Трёнда тахминан 1500, Салудада эса 1000 аҳоли истиқомат қилади. Шаҳарлар Ашевилле округидан тахминан 40 мил жанубда жойлашган.
Жанубий Каролинадаги ҳолат
Мазкур штатда ҳам вазият бир мунча чигал тус олган. Ҳорри округининг қутқарув хизмати ўрмон ёнғини камида 1600 гектар майдонни ёқиб юборганини маълум қилди. Губернатор Генри МакМактер фавқулодда ҳолат эълон қилиб, аҳолини эвакуация қилишга буюрди.
"Маҳалламиздан эвакуация қилинмоқдамиз, чунки шамол кучайган ва силжиган", дейди маҳалли аҳоли вакили Жейсон Жауз.
2 март куни эрталаб иккита самолёт, Blackҳаwк вертолёти ва ҳаттоки тракторлар ҳам ёнғинни ўчиришга жалб қилинган. Шу куни тушдан кейин эса саъй-ҳаракатлар натижасида аҳвол яхшилангани эълон қилинди. Штатлардаги ёнғиндан қутқарув хизмати эвакуация қилинган барча аҳоли уйларига қайтишга муваффақ бўлганини маълум қилди.
Лос- Анжелесдаги дахшатли ёнғин
2025 йилнинг январь ойида Калифорния штатининг ғарбий қисмида, хусусан Лос-Анжелес чеккасида кенг маштабли ёнғин содир бўлган эди. Шаҳардаги ёнғинлар Тинч океани томондан эсган кучли шамоллар туфайли тез тарқалган бўлиб, олов Pacific Palisadeс, Эатон, Ҳарст, Сансет ва Вудлей ҳудудларига тарқалиб, минглаб гектар майдонни вайрон қилган.
Бунинг оқибатида 27 нафар фуқаро ҳалок бўлган, 16 киши бедарак йўқолган ҳамда тахминан 150 минг аҳоли эвакуация қилинган эди.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
