Америкалик миллиардер Илон Маск, Starlink тизимини Украина армиясининг асосий таянчи деб атади ва агар бу тизимга кириш ёпилса, Украина қуролли кучларининг бутун фронт чизиғи инқирозга юз тутади, дея таъкидлади.
Маск ижтимоий тармоқ орқали ўз фикрларини билдирган. Унинг сўзларига кўра, Starlink Украина армиясининг фронт хатидаги алоқа воситаси бўлиб, уни ўчириш уларнинг ҳарбий ҳаракатларига катта таъсир кўрсатади. Маск шундай деб ёзди: “Менинг Starlink тизимим Украина армиясининг таянчидир. Агар мен уни ўчириб қўйсам, уларнинг бутун фронт чизиғи инқирозга юз тутади.”
Маск ўз фикрларида Украинадаги узоқ давом этаётган қон тўкилишига ҳам ишора қилди. У, шунингдек, Украина учун давом этаётган урушнинг барибир мағлубият билан тугайдиганини айтиб, унинг жуда ачинарли эканини таъкидлади: "Мен бир неча йиллардан буён давом этаётган қон тўкиш ва Украина учун барибир мағлубият билан тугайдиган бу урушдан нафратланаман. Ҳақиқатан ҳам қайғурадиган, ўйлайдиган ва тушунадиган одам бу қирғинни тўхтатишни истайди."
Украина ҳарбий бўлинмалари, жанговар зоналарда алоқа қилиш учун асосан Starlink тизимига таянгани маълум. Бу тизим Украина армиясининг ҳарбий операцияларида муҳим роль ўйнаган.
Шунингдек, 22 февраль куни Reuters агентлиги, манбаларга таяниб, АҚШнинг Украинага Starlink'ка киришни чеклаш имкониятини кўриб чиқаётгани ҳақида хабар берган эди. Бу хабарни Илон Маск ёлғон деб атаган ва ўз позициясини қайта таъкидлади.
Қолаверса, Украина Мудофаа вазирлиги раҳбари Рустем Умеров эса мамлакатда Starlink’ка альтернатива мавжудлигини айтган.
Ушбу ҳолат Украинанинг ҳарбий ҳаракатларига ва унинг стратегик танловларига жиддий таъсир кўрсатиши мумкин. Маскнинг фикрлари, шунингдек, ўзаро алоқа ва глобал геосиёсатга ҳам катта эътибор қаратилишига сабаб бўлади. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
