Украина делегацияси Россия билан урушни тугатиш бўйича музокараларда иштирок этади

Украина президенти офиси раҳбари Андрей Ермак Россия билан урушни тугатиш бўйича музокараларда иштирок этиш учун махсус делегацияни бошқаради. Ермакнинг ўринбосари Павло Палиса, ташқи ишлар вазири Андрей Сибига ва мудофаа вазири Рустем Умеров ҳам делегация таркибида жой олган. Бу таркиб Украина президенти Володимир Зеленский томонидан тасдиқланган. Қайд этиш жоизки, ушбу делегация 11 март куни Саудия Арабистонида АҚШ билан ўтказилган музокараларда ҳам иштирок этган.

Ташқи ишлар вазири Андрей Сибига делегациянинг асосий мақсади халқаро шериклар билан ҳамкорлик орқали «адолатли тинчлик»ка эришиш эканлигини таъкидлади. Унинг сўзларига кўра, зарур бўлса, Ермак таркибни ўзгартириш ва давлат органлари ходимлари, илмий маслаҳатчилар ва экспертларни жалб қилиш ҳуқуқига эга.

Шу билан бирга, Украина музокаралар жараёнида АҚШнинг 30 кунлик сулҳ таклифини қабул қилган бўлса-да, Россия президенти Владимир Путин бу таклифга дарҳол рози бўлмади ва музокараларнинг тафсилотларини муҳокама қилишни афзал кўрганини билдирди. Путин, шунингдек, Украинага қурол-яроғ қабул қилиш, сафарбарлик ўтказиш ва ҳарбий тайёргарликни тўхтатиш шартларини илгари сурди. Доналд Трамп эса Кремлнинг жавобини 17 мартга қадар аниқлаштиришни кутмоқда.

Украина президенти Зеленскийга кўра, Россия урушни тугатиш жараёнини атайлаб чўзаётганини, чунки у жанг майдонида ўз ҳолатини яхшилашни истаганини билдирди. Шунингдек, Украина сулҳ жараёнини тайёрлаш ва мониторинг қилиш учун махсус жамоа шакллантирмоқда. Унинг асосий вазифаси — ўт очишни тўхтатиш режимининг амалга оширилишини назорат қилиш.

Андрей Сибига, Украина ташқи ишлар вазири, музокараларнинг мураккаблигини тан олади ва қайд этади: "Бизда аччиқ тажриба бор. 25 марта ўт очишни тўхтатиш эълон қилинган, аммо барчаси Россия томонидан бузилди." Шу боисдан, Украина ҳозирги даврда фронт чизиғини назорат қилиш ва провокацияларга қарши кучли механизмлар зарурлигини таъкидламоқда. Сибига, шунингдек, ҳар куни 1300 километр узунликдаги фронт чизиғида тўқнашувлар содир бўлаётганини ва буни мониторинг қилиш учун халқаро ташкилотлар кузатувчиларини жалб қилиш кераклигини айтиб ўтди.

Украина томонидан Россияга босим ўтказиш ва уни ўт очишни тўхтатишга мажбурлашга чақириқлар ҳам мавжуд. Бу, ўз навбатида, музокаралар столига ўтириш ва узоқ муддатли ҳамда адолатли тинчликка эришиш имконияти беради.

Шунингдек, Андрей Сибига, дунёнинг ҳеч бир давлати Украина халқининг исталган иттифоққа қўшилиш ҳақидаги танловига тўсқинлик қилишга ёки мамлакатнинг ҳарбий имкониятларига чеклов қўйишга ҳақли эмаслигини таъкидлади. “Замин” янгиликларини “Telegram”да кузатиб боринг