Россия президенти Владимир Путин Украинада БМТ ҳомийлигида вақтинчалик ташқи бошқарув жорий этиш таклифини илгари сурди. Унинг фикрича, бу орқали мамлакатда ҳалол ва барқарор сайловлар ўтказиш ҳамда халқ ишончига сазовор ҳукуматни шакллантириш мумкин.
Украинада янги ҳукумат зарурми?
Путиннинг таъкидлашича, Украина ҳозирда сиёсий ноаниқлик ичида ва бундай шароитда Россия тинчлик шартномаси тузиш учун аниқ ҳамкор топа олмайди.
🔹 "Ҳозир ким билан нима имзолаш кераклиги номаълум, чунки эртага бошқа раҳбарлар келиб қолиши мумкин", — деди Путин «Архангелск» атом сувости кемаси экипажи билан учрашувда.
🔹 Унинг фикрича, Украинада ҳозирги фуқаролик ҳокимияти нолегитим, чунки мамлакатда президент сайловлари ўтказилмади.
Путин бу таклиф ягона ечим эмаслигини қайд этган, аммо БМТ амалиётида бундай ёндашувлар мавжудлигини таъкидлаган.
Украина ва Ғарбнинг муносабати
Украина президенти Володимир Зеленский ва Киев расмийлари Путиннинг фикрига қарши чиқиб, ҳукумат Конституцияга мувофиқ равишда ҳеч қандай қонунбузарликсиз ишлаётганини билдиришган. Украина Конституциясига кўра, амалдаги президент янги сайловлар ўтказилгунга қадар лавозимда қолиши мумкин.
🔹 АҚШ собиқ президенти Доналд Трамп ҳам Украинада сайловлар ўтказилиши кераклигини айтган.
🔹 Украина Марказий сайлов комиссияси раҳбари Олег Диденко эса сайлов ўтказиш учун уруш тўхташи ва ҳарбий ҳолат бекор қилиниши лозимлигини маълум қилган.
Зеленский шу йил феврал ойида, агар тинчлик ўрнатиш ёки НАТОга қўшилиш учун зарур бўлса, ўз хоҳиши билан истеъфога чиқишга тайёрлигини билдирган эди.
Россия томони Украинадаги ҳозирги сиёсий вазиятни Ғарб таъсири остидаги бошқарув шакли деб баҳолаб, халқаро ҳамжамият билан янги форматда музокаралар ўтказишга тайёр эканини билдирди.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
