Украинага қарши урушда Россиянинг 250 минг ҳарбий хизматчиси ҳалок бўлган, деб Deutsche Welle НАТОнинг номаълум юқори мартабали амалдорига таяниб хабар берди. Уруш бошланганидан буён Россия армияси томонидан кўрилган умумий йўқотишлар сони 900 минг нафардан ошиб кетган.
Амалдорнинг сўзларига кўра, Россия ҳар куни ўртача 1000 нафардан ортиқ ҳарбий хизматчини йўқотмоқда (ҳалок бўлганлар ва яраланганлар қўшилганда). Яраланганларнинг кўпчилиги сифатсиз тиббий хизмат туфайли ногиронликка учраган.
Ушбу маълумотлар НАТО ташқи ишлар вазирларининг Брюсселдаги учрашувида маълум қилинган. Шу билан бирга, НАТО вакили Россия армиясидаги йўқотишларни қисқа муддатда тўлдириш имконияти борлигини, аммо Украинадаги ҳаракат суръати пасайганини қайд этган.
НАТОнинг таъкидлашича, Россия ҳукумати катта йўқотишлар эвазига бўлса-да, секин илгарилашни давом эттирмоқда. Россия жамияти эса ҳозирча бу қурбонлар сонидан оммавий норозилик билдириш даражасига етмаган.
Интернетдаги некрологлар ва очиқ манбалар орқали шахсан аниқланган ҳалок бўлган россиялик ҳарбийлар сони 100 мингдан ошиб кетган. Улардан 4842 нафари офицерлар. Энг кўп йўқотиш Бошқирдистонда қайд этилган — 4487 киши. Ундан кейин Татаристон (4371), ва Свердловск вилояти (3446) келади. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
