Ню-Йоркда вертолёт ҳавога кўтарилганидан кўп ўтмай Гудзон дарёсига қулади (видео)

Ню-Йоркда йўловчи вертолётининг Гудзон дарёсига қулаши оқибатида камида олти киши ҳалок бўлди, деб BBC хабарида айтилган. Ҳодиса 10 апрель, пайшанба куни тушдан кейин, шаҳар марказига яқин жойдаги 40-пирс ҳудудида содир бўлган.

Ню-Йорк полиция департаменти маълумотига кўра, вертолёт бортида учувчи, икки катта ёшли йўловчи ва уч нафар бола бўлган. Улар Испаниядан келган сайёҳлар оиласи экани аниқланган. Вертолётда Siemens Spain директори Аугустин Эскобар, унинг рафиқаси ва уч қизи бўлгани маълум қилинди.

^{Вертолётда Siemens Spain директори Аугустин Эскобар, рафиқаси ва уч қизи бўгани айтилмоқда.}
Ню-Йорк мэри Эрик Адамс вертолёт бортидаги барча ҳалок бўлганини маълум қилди.

Ижтимоий тармоқларда воқеанинг видеоси тарқалди. Breaking News янгиликлар агрегатори маълумотига кўра, вертолёт «тартибсиз» парвоз қилган.

FlightRadar маълумотига кўра, вертолёт Манҳэттен марказидаги вертолёт майдончасидан парвоз қилган ва ҳалокатдан аввал 15 дақиқа ҳавода бўлган.