Перуда яна бир коррупция шов-шуви. Бу сафар кимлар?

Перунинг собиқ президенти Олянта Умала ва унинг рафиқаси Надин Эредия 15 йилга озодликдан маҳрум этилди, деб bbc.com хабар берди.

Улар коррупцияда айбдор деб топилди. Жиноят иши бўйича маълум бўлишича, Умала ва Эредия икки борги сайлов кампаниясини Бразилиянинг Odebrecht компанияси ҳамда Венесуэла ҳукуматидан олган пуллар билан молиялаштирган.

Ҳукмдан сўнг суд залидаёқ Умаланинг қўлига кишан солинди. Судя судда қатнашмаган Надин Эредияни ҳам ҳибсга олишга буюруқ берди. AFP’нинг ёзишича, у Лимадаги Бразилия элчихонасидан бошпана топган.

Олянта Умала 2011–2016 йилларда Перу президенти бўлган. У 2022 йилда Odebrecht иши бўйича судга чақирилган эди. Бу коррупция жанжалига бошқа собиқ президентлар ҳам алоқадор бўлиши мумкин.

Масалан, Алан Гарсия 2019 йилда ҳибс қилиш учун келган полиция олдида ўз жонига қасд қилган. Алехандро Толедо эса ўтган йили миллионлаб пора учун 20 йилга қамалди. Педро Кучинскига оид тергов ҳали давом этмоқда. «Замин»ни Telegram’да ўқинг!