Путин: “Украина 30 минг одамни зўрға топяпти, бизга 60 минг киши ўзимизга келишмоқда” — бу чиндан шундайми?

Жаҳон ҳамжамиятини ҳайратга солган баёнот Россия президенти Владимир Путиндан келди. Унинг сўзларига кўра, Россия фронтга ҳар ой 50–60 минг нафар ихтиёрий хизматчиларни жўнатмоқда. Украина эса, у айтганидек, зўрға 30 минг одамни сафарбар қилмоқда.

Бироқ, бу рақамлар Ғарб разведка хизматлари томонидан рад этилмоқда. Улар Россияда ҳар ойда чақирилаётган аскарлар сони 30–40 минг атрофида эканини айтмоқда. Асосий рағбатчи омиллар: катта пул мукофотлари ва қамоқхоналардан маҳбусларни сафарбар қилиш.

Британия разведкаси маълумотига кўра, уруш бошлангандан буён Россия армиясида ҳалок бўлган ва яраланганлар сони қарийб 1 миллион нафарга етган. Бироқ шу йўқотишларга қарамай, 2024 йил якунида Россия қўшинлари Украина ҳудудининг атиги 0,5 фоизини эгаллай олган.

Москвада нималар бўлаяпти?

• The Economist’га кўра, Россия Мудофаа вазирлиги ва Генштаби Кремлга янги тўлқинли сафарбарликни бошлаш бўйича босим ўтказмоқда;
  
• ISW таҳлилчиси Жорж Баррос: “Москвадаги мобилизация ҳозирги суръатда борса, фронтдаги ҳаракатни сақлаш учун 12–16 ой вақт қолган”;
  
• Россия иқтисодий муаммолар, инсон салоҳияти етишмаслиги ва ресурс танқислиги билан юзма-юз.
  

2022 йилдаги қисман сафарбарликдан сўнг тахминан 650 мингдан 1,1 миллионгача россиялик мамлакатни тарк этди. The Bell нашри ҳисоботига кўра, уларнинг камида 666 минг нафари Россияга қайтмаган.

Zamin.uz таҳририяти кузатмоқда: Сафарбарлик, фронтдаги йўқотишлар ва Кремлнинг навбатдаги қарорлари — яқин ҳафталарда Россиянинг ҳарбий стратегиясида нималар ўзгаради? Биз кузатамиз — сиз билан бўламиз. «Замин»ни Telegram’да ўқинг!