Трамп: “Байден ҳужжатларни ўзи имзоламаган”

АҚШнинг собиқ президенти Жо Байден ҳокимиятда бўлган даврида ҳеч қандай ҳужжатни шахсан имзоламаган. Бу ҳақда амалдаги давлат раҳбари Дональд Трамп журналистлар билан учрашувда маълум қилди.

Трампнинг айтишича, унинг маъмурияти вакиллари “қонуннинг қандай қабул қилинганини синчковлик билан ўрганишни бошламоқда”. Америка етакчисининг фикрича, ушбу қонун АҚШда “очиқ чегаралар” сиёсатининг ўрнатилишига олиб келган.

“Менимча, Байден бу ҳақда билмаган. Ҳеч ким очиқ чегараларни хоҳламаса керак. Энди эса бу унинг иши эмаслиги маълум бўлди. Имзо автопер (автоматик имзони акс эттирувчи қурилма) билан қўйилган”, деди АҚШ раҳбари.
АҚШ президенти Байден даврида мамлакатни давлат раҳбарининг автоматик имзосидан фойдаланиш имкониятига эга бўлган “радикал сўл хаёлпарастлар” бошқаргани ҳақидаги фикрини билдирди.

“Соғлом фикрли бирорта одам бунга имзо қўймаган бўларди. Жо Байден соғ-саломат бўлганида, буни ҳеч қачон имзоламаган бўларди. У ҳеч қачон чегараларни очмаган бўларди. Автоматик имзони ким бошқарган? Бу жуда жиддий масала. Бизда ҳеч нарсани имзоламаган президентимиз бор эди. У деярли барча ҳужжатлар учун автоматик имзодан фойдаланган”, деди Оқ уй раҳбари.

Илгари The Wall Street Journal газетаси хабар берганидек, Байденнинг яқин атрофидагилар собиқ Америка етакчисининг амалдорлари ва ёрдамчилари президентлик сайловлари якунлангунига қадар унинг ақлий қобилиятларини оммавий муҳокама қилмасликларини назорат қилиб турган.

Байден — АҚШ тарихидаги энг кекса президент бўлиб, кўпинча ўзининг сиёсий рақибларига унинг ақлий қобилиятларига шубҳа қилиш учун сабаб берган, оммавий нутқларида мунтазам равишда тил хатолар ва ноўрин ибораларга йўл қўйган. Республикачилар партиялараро курашда Байденнинг давлатни самарали бошқариш қобилиятини шубҳа остига қўйиш учун бундан фойдаланишган. Лавозимда ишлаган даврида у бир неча марта қоқилиб йиқилган, чалкашиб кетган, фикрини аниқ ифодалашга қийналган.

Аввалроқ АҚШ Адлия вазирлиги собиқ президентнинг рафиқаси Жилл Байденни, турмуш ўртоғида простата саратони аниқлангани сабабли, судга бермоқчи экани маълум бўлганди. Хусусан, вазирлик таъкидлашича, Жилл турмуш ўртоғининг касаллигини билган ҳолда, 2024 йилги президентлик сайловларида унинг номзодини қўйишда қатъий турган.

Апрель ойида Дональд Трамп Россия ва Украина ўртасидаги можарода АҚШнинг собиқ раҳбари Жо Байденни айбдор деб атаганди. Бундан олдин эса Трамп Байден маъмуриятини АҚШ ва Россия муносабатларини ёмонлаштиришда айблаганди. «Замин»ни Telegram’да ўқинг!