151
Россия Мудофаа вазирлиги хабарига кўра, бугун, 25 май куни, Киев назорати остидаги ҳудуддан 303 нафар россиялик ҳарбий хизматчи қайтарилди. Ушбу алмашинув доирасида Россия ҳам Украинага 303 нафар ҳарбий асирни топширди.
16 май куни Истанбулда эришилган келишувларга мувофиқ, 23 майдан 25 майгача бўлган даврда томонлар "1000 га 1000" формуласи асосида алмашинув жараёнини якунладилар.
Ушбу келишув доирасида 23 май куни Украина асирлигидан 270 нафар ҳарбий ва 120 нафар тинч аҳоли Россияга қайтарилди. Худди шу куннинг ўзида Россия ҳам Украинага шунча ҳарбий асир ва тинч аҳолини топширди.
Шунингдек, 24 май куни томонлар 307 нафар ҳарбий асирни алмаштирдилар. Бу жараёнда Россия ва Украина ҳар бири 307 нафар ҳарбий асирни қайтариб олди.
Натижада, 23 майдан 25 майгача бўлган даврда томонлар умумий ҳисобда 1000 нафар ҳарбий асирни алмаштирдилар. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
