Зеленский: “Шаҳед”ларга қарши 20 минг ракета керак эди, улар эса Яқин Шарққа кетди

Украина президенти Володимир Зеленский ABC News’га берган интервюсида мамлакат хавфсизлиги учун ўта муҳим бўлган бир қарор ҳақида очиқ баёнот берди. Унинг сўзларига кўра, Украина томони «Шаҳед» дронларига қарши курашиш учун АҚШдан 20 мингта ракета олишга умид қилган, аммо бу ракеталар бошқа йўналиш — Яқин Шарққа юборилган.

“Бизда «Шаҳед» туркумидаги дронлар билан жуда катта муаммо бор. Улар ҳужумчи, аниқ ва хавфли. Биз ҳар куни уларга қарши курашяпмиз, лекин самарали курашиш учун технологик устунлик талаб этилади. Бизда эса шундай имконият бор эди — АҚШ томонидан 20 мингта ракета етказилиши керак эди,” — деди Зеленский.

Унинг таъкидлашича, ушбу ракеталарни топшириш бўйича қарор Жо Байден маъмурияти томонидан қабул қилинган ва Мудофаа вазири Ллойд Остин ҳам ушбу режага ҳамкорлик қилган. Украина бу лойиҳани ўз мудофаа стратегиясининг асосий қисми сифатида кўрган.

Бироқ Зеленский erta tongда Украина мудофаа вазиридан олган маълумотни очиқлаб, АҚШ ушбу ракеталарни Яқин Шарққа йўналтирганини маълум қилди. “Бу биз учун нафақат ҳайратланарли, балки жуда хавфли сценарий,” — деди у.

Эслатиб ўтамиз, Эронда ишлаб чиқарилган “Шаҳед” дронлари Россиянинг Украинага қарши урушида янги стратегик қурол сифатида намоён бўлган. Улар 2000 километр масофагача учиш қобилиятига эга, аниқ нишонни зарбага олади ва юқоридаги портловчи юк билан кучли таъсир кўрсатади. Унинг асосий муаммоси — баланд товуш билан ҳаракатланиши, шу боис украиналиклар орасида у “мопед” лақабини олган.

Украина расмийларининг фикрича, мазкур ракеталар “Шаҳед” дронларини самарали равишда йўқ қилиш ва мамлакат хавфсизлигини таъминлашда ҳал қилувчи рол ўйнаши мумкин эди.

Ҳозирда ушбу масала халқаро даражада қизғин муҳокама қилиняпти. Зеленский Қўшма Штатлардан расмий тушунтириш кутаётганини таъкидлади. «Замин»ни Telegram’да ўқинг!