Яқин Шарқдаги мураккаб сиёсий вазият янада жўшқин тус олмоқда. АҚШ президенти Доналд Трампнинг махсус вакили Стив Уиткофф сўнгги кунларда CNBC телеканалига берган интервьюси орқали жамоатчилик диққатини бутун минтақани қамраб олган муҳим янгиликларга қаратди.
Уиткофф сўзларига кўра, яқинда эришилган қисқа муддатли сулҳ Исроил ва Эрон ўртасидаги кескинлашувни юмшатишга хизмат қилди. Бу жараённи хавфли урушга айланиб кетишидан асраш учун АҚШ ва халқаро ҳамкорлар томонидан бир қатор дипломатик қадамлар ташланган.
Уиткофф интервьюсида алоҳида урғу бердики, яқин вақт ичида Иброҳим келишувларига қўшилиш эҳтимоли бор давлатлар бўйича жуда муҳим баёнотлар кутиляпти. Унинг таъкидлашича, бу келишувга қўшилиш учун тайёр эканини билдирган давлатлар сони кўпаймоқда ва музокаралар фаол кечяпти. «Биз бир неча давлатлар билан муносабатларни нормаллаштириш имконияти бўйича умидли музокаралар олиб бормоқдамиз», — деди у.
Шу билан бирга, у АҚШ томонидан келиб чиқадиган «қизил чизиқлар» ҳақида тўхталиб ўтди. Уранни бойитиш ва қуроллар ишлаб чиқаришга уриниш бутун минтақанинг барқарорлиги учун жиддий хавф эканини таъкидлади. Стив Уиткоффнинг фикрича, бундай ҳаракатлар фақат бир давлат эмас, балки бутун Яқин Шарқдаги тинчлик ва хавфсизликка таҳдид солади.
Уиткофф, шунингдек, Эрон томонидан бу жараёнга қизиқиш ва тайёрлик борлигини ўз шахсий мулоҳазалари асосида қайд этди. Унинг фикрича, минтақада кенг қамровли тинчлик битимларига эришишга барча шарт-шароитлар шаклланяпти.
Сўнгги янгиликларга кўра, яқин келажакда бир қатор давлатлар Иброҳим келишувларига қўшилиши мумкин. Айни пайтда, тинчлик музокаралари фаол давом этмоқда ва экспертлар буни Яқин Шарқдаги янги сиёсий давр бошланиши сифатида баҳолашяпти.
Бу жараён минтақавий барқарорлик ва тинчлик учун катта имкониятлар эшигини очиши мумкин. Кўзлар эса энди яқин ҳафталарда эълон қилинадиган расмий баёнотларга қаратилади. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
