Техас штатидаги сув тошқинилар одамларни яна жонли ахборот лентасига қайтарди, деб хабар берди aa.com. Расмий маълумотларга кўра, Керр округида кучли ёмғир ва Гвадалупе дарёси тошқини оқибатида ҳалок бўлганлар сони 104 кишига етди. Маҳаллий ҳокимият қурбонлар сони сўнгги кунларда, айниқса 4 июлдан сўнг кескин ортганини қайд этмоқда.
Керр округи энг кўп зарар кўрган ҳудуд сифатида қайд этилди: айнан шу ерда 84 киши, жумладан 28 бола сув тошқини қурбони бўлган. Табиий офатдан зарар кўрган ҳудудда ҳозирда 50 мингга яқин одам борлиги, қидирув-қутқарув ишлари эса тўхтагани йўқ.
Техас губернатори Грег Эбботт ижтимоий тармоқларда ҳудудда барча зарур ресурслар ишга солинганини ва фалокат оқибатларини бартараф этиш учун ҳамма ҳаракатлар қилинётганини маълум қилди. АҚШ президенти Доналд Трамп эса Керр округини расман фалокат ҳудуди деб эълон қилди.
Бунда республикачи маҳаллий сиёсатчилар федерал Миллий метеорология хизмати (NWS)ни жиддий танқид остига олди. Улар Трамп маъмурияти даврида бу хизматнинг бюджети қисқартирилганини ва табиий офат олдидан ўз вақтида аниқ прогнозлар ва огоҳлантиришлар берилмаганини таъкидлашмоқда.
Экспертлар фикрича, катта демографик босим ва инфратузилмадаги етишмовчиликлар сув тошқини оқибатларини янада оғирлаштирган. Техасда табиий офатлардан зарар кўрган аҳоли учун давлат ва маҳаллий органлар томонидан кўмак ва қўшимча ресурслар ажратилиши кутилмоқда. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
