Путин АҚШдан чўчиганини Зеленский очиқ-ойдин айтиб ўтди

Украина президенти Владимир Зеленский мамлакатга қарши зарбалар нега тўхтаганини тушунтирди ва бу борада жиддий хулосалар чиқаришга чақирди. Унинг таъкидлашича, Киев ва бошқа шаҳарларга икки кеча давомида бирор марта ҳам катта ракеталар билан ҳужум қилинмаган.

Бу танаффуснинг сабабини Зеленский АҚШдан келган махсус вакил – генерал Кит Келлогнинг ташрифи билан боғлади.

"Генерал Келлог келганидан бери осмон тинч. Икки кеча давомида ҳеч қандай катта ҳужум бўлмади. Буни кўрган халқ ҳазиллашяпти: 'Келлогга Украина паспортини беринг, у шу ерда қолсин!' Буларнинг барчаси бир нарсани кўрсатади — Путин Америкадан чўчияпти", – деди Зеленский ўз чиқишида.

Зеленскийнинг сўзларига кўра, Россия раҳбарияти АҚШнинг ҳарбий ва сиёсий таъсирига жиддий эътибор қаратаётгани яққол кўзга ташланмоқда. Келлог каби ҳарбий фаолларнинг Украинада борлиги Москва томонидан шошма-шошар ҳисоб-китобларга сабаб бўлаётганини қайд этди.

Бундай сўзлар фақат Украина ичидагина эмас, балки халқаро медиа майдонида ҳам қизғин муҳокамага сабаб бўлди. Кўпчилик мутахассислар бундай баёнотни Россия–АҚШ муносабатлари нуқтаи назаридан кескин ўзгариш сифатида баҳоламоқда.

Айни пайтда Зеленский америкалик шерикларга яна бир бор миннатдорчилик билдириб, уларнинг ҳозирги вазиятдаги ролини "стратегик калит" деб атади.

Ушбу воқеа фонида Украина жамиятида бир муддатлик тинчлик кайфияти кучайгани кузатилмоқда. Аммо экспертлар бу сукунатни вақтинчалик деб баҳолаб, ҳар қандай эҳтимолий хатарга тайёр туриш лозимлигини уқтирмоқда.

Шубҳасиз, Путиннинг АҚШ иштирокидан чекинишини Зеленский нафақат сўз, балки амалий натижа сифатида намоён этмоқда. Бу эса, Украина учун дипломатик майдондаги катта ютуқ сифатида баҳоланиши мумкин. «Замин»ни Telegram’да ўқинг!