Европол Франция полицияси билан ҳамкорликда Украинада фаолият кўрсатиб келаётган рус тилидаги XSS.is хакерлик форумининг маъмурини қўлга олди. 2013 йилдан бери аноним хакерлар форумлари орасидаги энг муҳим ресурслардан бири бўлиб келган XSS.is, 50 мингдан ортиқ фойдаланувчига эга экан.
XSS.is форумидан хакерлар, хусусан, хакерлик воситалари, ўғирланган маълумотлар ва ноқонуний хизматларни сотиш учун фойдаланган. Европолнинг баёнотида бу форум глобал кибержиноятчиликка катта таъсир кўрсатгани таъкидланади.
Франция томонидан 2021 йилда бошланган узоқ муддатли тергов Европа Иттифоқи билан яқин ҳамкорликда олиб борилди. Киевда ушбу форум маъмури сифатида фаолият юритган шахс қўлга олинган.
Европол маълумотларига кўра, ушбу шахс жиноий фаолиятни ташкил қилишда муҳим роль ўйнаган. У жиноятчилар ўртасидаги келишмовчиликларни ҳал қилиш ва битимлар хавфсизлигини кафолатлаш учун воситачи бўлган. Шунингдек, у кибержиноятчилар учун махсус онлайн мулоқотни таъминловчи thesecure.biz сервисини ҳам бошқарган деб тахмин қилинмоқда.
Ушбу қўлга олиш глобал киберхавфсизликка қарши курашда муҳим қадам бўлиб, кибержиноятчиликни йўқ қилишга бўлган муваффақиятли ҳаракатни кўрсатади.
