Америка Қўшма Штатларида инсон ҳуқуқлари бўйича ҳимоячилар ва тергов органлари ўта даҳшатли жиноят ҳақида маълумот тарқатди. Маълум бўлишича, Алабама штатида камида ўн нафар, ёши учдан ўн ёшгача бўлган болалар уч йил давомида бункерда асирликда сақланган.
Ушбу мудҳиш ҳодиса давомида болаларни ташқи дунёдан бетон деворлар ажратиб турган, уларга эса “тарбиячи” ниқоби остида жиноятчи етти киши қараган. Айтишларича, ушбу гуруҳ аъзолари орасида баъзи жабрланувчи болаларнинг ўз оналари ҳам бўлган.
Қўлга олинганларнинг ёши 21 ёшдан 43 ёшгача бўлиб, ҳар бири ўзига хос “вазифа”га эга бўлган: кимдир болаларга наркотик моддалар берган, бошқаси қийноқ қўллаган, яна бири эса содир бўлган ҳодисаларни видеога олиш билан шуғулланган. Тергов маълумотларига кўра, ушбу шахсларга содомия, гуруҳли зўрлаш, жинсий қийноқлар ва инсон савдоси айбловлари қўйилган.
Мазкур воқеа АҚШ жамиятида катта шов-шувга сабаб бўлиб, болалар хавфсизлиги ва инсон ҳуқуқлари масаласидаги назорат механизмларига эътибор янада кучайишига туртки берди. Тергов ишлари давом этаётган бир пайтда, кўплаб адвокатлар ва ҳуқуқ-тартибот органлари айбдорларни қонуний жазолаш учун барча чораларни кўрмоқда.
«Замин»ни Telegram’да ўқинг!
