Яқинда АҚШ президенти Доналд Трамп Украинадаги можарони ҳал қилиш учун Россия президенти Владимир Путинга аввал белгиланган 50 кунлик муддатни қисқартириб, энди 10-12 кун атрофида вақт беришини билдирди, деб хабар берди Reuters.
Трамп ўз сўзларида: “Президент Владимир Путиндан жуда ҳафсаламиз пир бўлди”, дея афсусини билдирган. Шунингдек, у аввал берган 50 кунлик муддатни қисқартираётганини ва бу энди 10-12 кунга тушганини маълум қилган. АҚШ президентига кўра, агар бу муддат ичида Москва ва Киев келишувга эришмаса, жуда қаттиқ иқтисодий санкциялар ва “қаттиқ тарифлар” жорий этилиши мумкинлиги ҳақида огоҳлантирган.
Маълумотга кўра, Трамп 14 июль куни Москвани Украинадаги можарони 50 кун ичида ҳал этишга чақирган эди. Ушбу даъватида у агар келишувга эришилмаса, Россияга нисбатан қаттиқ иқтисодий босим ўрнатилишини таъкидлаган.
Доналд Трампнинг бу баёноти халқаро сиёсатчилар ва таҳлилчилар орасида катта муҳокамаларга сабаб бўлди. У ўз сўзларида, Путинга 50 кун вақт бергани билан, бу жуда сахий қарор бўлганини айтган ва энди янги муддат жуда қисқа эканини урғулаган.
Қизиғи шундаки, Доналд Трамп аввалроқ Шотландияга ташриф буюрган бўлса, бугун у Буюк Британиянинг янги Бош вазири Кей Стармер билан учрашув ўтказиши кутилмоқда.
“Ўйлайманки, бугундан бошлаб 10-12 кун бўлади”, — дея таъкидлади Трамп журналистлар саволига жавобан. Унинг қайд этишича, энди Украина можароси бўйича жаҳон ҳамжамияти кўпроқ жиддий ва тезкор ечим кутишга ҳақли.
«Замин»ни Telegram’да ўқинг!
