Россиянинг Краснодар ўлкасида (Кубан) содир бўлган воқеа полиция маълумотларига кўра, жиноятчилик ва омадга бўлган ортиқча ишонч ўртасидаги хатарли чегарани кўрсатмоқда.
Умид ва ҳаволаниш баъзан одамни жиноят сари етаклайди. Краснодарда 53 ёшли киоск сотувчиси иш жойидан 1000 дан ортиқ лотерея билетини ўғирлади — умумий қиймати 200 минг рубль (тақрибан 26 миллион сўм). Бу ҳақда ҳудудий Ички ишлар бошқармаси хабар берди, деб ёзмоқда Pravilamag.
Лотерея киоски эгасининг сўзларига кўра, сўнгги кунлардаги ғалати савдо ўсишидан сўнг сотувчи тўсатдан ишга чиқмай қолган. Шундан кейин у полицияга мурожаат қилган.
Тез орада ҳуқуқ-тартибот органлари томонидан ушланган сотувчи сўроқ пайтида айбини тан олди. «53 ёшли эркак бир неча кун давомида иш вақтида лотерея билетларига пул тўламай олиб, улардаги ҳимоя қатламини тирнаган, аммо ҳеч қандай ютуққа эришмаган», — дейилади полиция ахборотида.
Ҳозирда мазкур ҳолат юзасидан фирибгарлик моддаси бўйича жиноят иши қўзғатилган. Агар унинг айби исботланса, у икки йилгача озодликдан маҳрум этилиши мумкин.
«Замин»ни Telegram’да ўқинг!
