Украина президенти Володимир Зеленский Донбасс бўйича қатъий позициясини яна бир бор оммага етказди. Давлат раҳбари таъкидлашича, Киев ушбу ҳудудни ҳеч қандай шароитда тарк этмайди ва бунга ҳеч ким мажбур қила олмайди.
“Биз Донбассдан чиқмаймиз. Биз бундай қилолмаймиз. Агар Донбассдан ўз хоҳишимиз билан чиқсак ёки бизга босим ўтказиладиган бўлса, учинчи урушни очамиз”, — деди Зеленский ўз баёнотида.
Москвадан келган таклиф ва Киевнинг жавоби
The Wall Street Journal’нинг ёзишича, аввалроқ Москва Киевга ўт очишни тўхтатиш эвазига Донбассдан воз кечиш таклифини берган. Бироқ Зеленский Украина конституциясига мувофиқ ҳудудий ён беришга ҳеч қачон рози бўлмаслигини таъкидлади. Унинг фикрича, бундай қадам мамлакат суверенитетига тўғридан-тўғри таҳдид ҳисобланади.
Яқинлашиб келаётган музокаралар
Маълумотларга кўра, 15 август куни АҚШнинг Аляска штати, Анкориж шаҳрида Доналд Трамп ва Владимир Путин ўртасида муҳим учрашув бўлиб ўтади. Музокаралар доирасида Россия–Украина можаросини бартараф этиш масаласи ҳам муҳокама қилинади.
Сиёсий кузатувчиларнинг фикрича, Донбасс масаласи бу музокараларда асосий ва энг тортишувли йўналишлардан бири бўлади. Мухлислар ва халқаро ҳамжамият эса ушбу жараёнда қандай келишувларга эришилишини катта қизиқиш билан кутмоқда.
«Замин»ни Telegram’да ўқинг!
