АҚШ президенти Доналд Трамп Украина президенти Володимир Зеленскийни Оқ уйда қабул қилди. Ушбу муҳим учрашувнинг аввалида президентлар журналистлар билан мулоқот қилишиб, ҳар икки томоннинг кўзлаган мақсадлари ва янги қадамлари ҳақида сўз юритишди.
Трамп ўзининг Путин билан бўлиб ўтган учрашувида “яхши олдинга силжиш”га эришгани ҳақида айтади. У, шунингдек, Зеленский билан ўтказилган учрашувдан ҳам олдинга йўл олишни кутаётганини таъкидлади. Трампнинг сўзларига кўра, агар бугунги музокаралар муваффақиятли якунланса, уч томонлама учрашув ўтказиш мумкин бўлади.
“Бу музокаралар сўнгги эмас”, — деди АҚШ президенти, шу билан бирга, Путиннинг низо тугашини хоҳлашини билдирди. Трампнинг айтишича, Украинадаги низо тугашини барча томонлар ва бутун дунё хоҳламоқда, лекин аниқ муддатни айтиш қийин.
Трампнинг яна бир муҳим баёноти шундан иборат бўлдики, Америка Украинага хавфсизлик бўйича катта ёрдам кўрсатишга тайёр. Унинг фикрича, бу йўналишдаги қадамлар халқаро тинчлик ва барқарорликка йўналтирилган муҳим ишларни ташкил этади.
Трамп ва Зеленскийнинг мазкур учрашуви бугунги кунда дунёдаги энг муҳим дипломатик муҳокамалардан бири бўлиб, унинг натижалари нафақат Украина учун, балки бутун минтақада тинчлик ва хавфсизликни мустаҳкамлаш учун катта аҳамият касб этади.
«Замин»ни Telegram’да ўқинг!
