Шимолий ва Жанубий Корея ўртасидаги чегарада яна жиддий воқеа қайд этилди. Рёнхап агентлиги БМТ қўмондонлиги маълумотларига таяниб хабар беришича, 19 август куни Шимолий Кореянинг тахминан 30 нафар ҳарбий хизматчиси демаркация чизиғини кесиб ўтган.
Бир кун аввал Жанубий Корея штаб бошлиқлари бирлашган қўмитаси чегара қўшинлари бундай ҳолатга жавобан огоҳлантирувчи ўқ узганини маълум қилганди.
КХДР Бош штаби эса ўз навбатида, чегара яқинида қурилиш ишлари олиб борилаётганини билдирди. Пхенян ушбу воқеани Жанубий Корея ва АҚШнинг қўшма ҳарбий машғулотлари билан боғлаб, Сеулни минтақадаги кучлар мувозанатини бузишда айблади.
Сўнгги ойларда икки давлат ўртасидаги муносабатлар шиддатли тарзда таранглигича қолмоқда. Жанубий Корея яқинда Шимолга қарши тарғибот учун ишлатилган овозкучайтиргичларни олиб ташлаганини эълон қилган эди. Бироқ бу қадам кутилганидек илиқлик яратмади ва икки томонлама муносабатларда кескинлик сақланиб қолди.
Муттахассислар таъкидлашича, чегарада содир бўлаётган бу каби воқеалар минтақадаги хавфсизлик ва барқарорлик масалалари янада мураккаблашиши мумкинлигидан далолат бермоқда. Мухлислар ва халқаро жамоатчилик эса навбатдаги қадам қандай бўлишини қизиқиш билан кутмоқда.
«Замин»ни Telegram’да ўқинг!
