Белгиялик 41 ёшли коллекционер Стивен ван Дейк дунёдаги энг йирик LEGO минфикуслар тўпламини яратди. Унинг коллецияси 11 803 та фигурадан иборат бўлиб, бу расман Гиннесс рекорди сифатида қайд этилди, деб ёзмоқда Pravilamag.
Стивеннинг айтишича, LEGO фикуслари нафақат қимматбаҳо ўйинчоқ, балки изланиш, алмашиш ва намойиш қилишдаги завқни ҳам улашади. Коллекция шу қадар каттаки, уни уйда жойлаштириш имкони йўқ, шу боис қисмлари кўргазмаларда тақдим этилади.
LEGOга қизиқиш унинг болалигидан бошланган. Биринчи фигураси кўзлари боғланган, қизил-сиёҳ рангли кийим кийган қароқчи эди. Шу пайтдан бошлаб Стивен бу машғулот умрининг бир қисмига айланишини англаган.
Унинг тўплами классик қаҳрамонлар билан бирга Ninja Turtles, Юлдузли урушлар, Batman ва Vinni Pooh каби франшизаларнинг персонажларини ҳам ўз ичига олади. Стивеннинг энг қимматли топилмалари орасида фақат лотерея орқали тарқатилган камёб британча фигура ҳам бор. Унга эга бўлиш учун Лондондаги LEGO дўконига кириш учун олти соат навбат кутган.
Коллекционер LEGO анжуманларида қатнашиш ва дунё бўйлаб шундай ишқибозлар билан танишишни ҳам яхши кўради. “Бу жамоа орқали кўп дўстлар орттирдим”, – дейди у.
«Замин»ни Telegram’да ўқинг!
