Шимолий Корея раҳбари Ким Чен Ин келаси ҳафта Пекинда ўтказиладиган йирик ҳарбий парадга Россия президенти Владимир Путин билан бирга ташриф буюради. Бу Кимнинг илк халқаро кўп томонлама учрашуви бўлиб, Хитой раҳбари Си Цзиньпин учун муҳим дипломатик ютуқ ҳисобланади.
Парадда Иккинчи жаҳон уруши тугаганининг 80 йиллиги нишонланади. Хитой юзлаб самолётлар, танклар ва янги ҳарбий технологияларини намойиш этиши кутилмоқда. Тадбир тарихий Тянанмен майдонида бўлиб, ўн минглаб аскарлар қатнашади.
Россия ва Шимолий Корея раҳбарлари билан бирга яна 26 давлат етакчилари ҳам маросимга келиши режалаштирилган. Бу Шимолий Корея раҳбарининг Хитой парадида иштирок этиши 1959 йилдан кейинги илк ҳолат бўлади.
Ғарб давлатлари парадга қатнашмайди, чунки улар Россиянинг Украинадаги урушини қоралашда давом этмоқда. Шу билан бирга, Ким Чен Иннинг Россияга қурол ва аскар юборгани ҳам Ғарбда кескин танқид қилинмоқда.
Мутахассисларнинг айтишича, бу учрашув Си Цзиньпинга халқаро сиёсатда қўшимча куч беради. Ким Чен Ин эса Хитой ва Россия ўртасидаги мувозанатни сақлашга ҳаракат қилмоқда. Шу пайтда АҚШ президенти Доналд Трампнинг ҳам Осиёга ташрифи эҳтимоли тилга олинмоқда.
«Замин»ни Telegram’да ўқинг!
