Россия ва Украина раҳбарлари Владимир Путин ҳамда Володимир Зеленский ўртасида учрашув ўтказилиши мумкин эмас. Бу ҳақда Германия канцлери Фридрих Мерц ўз баёнотида маълум қилди.
— Албатта, ўтган ҳафта президент Дональд Трамп ва президент Путин ўртасида мулоқот бўлгани каби, Зеленский ва Путин ўртасида учрашувга етиб борилмайди, — деди Мерц Франция президенти Эммануэл Макрон билан учрашуви давомида.
Канцлер бу масала юзасидан қўшимча изоҳ бермади. Бироқ унинг сўзлари халқаро майдонда катта муҳокамаларга сабаб бўлди.
Аввалроқ, Россия ташқи ишлар вазири Сергей Лавров Путин Зеленский билан олий даражада учрашишга тайёрлигини билдирганди. Аммо у бундай мулоқот учун муҳим шарт қўйган эди: кўтарилиши кутилган барча масалалар олдиндан муҳокама қилиниши ва ечим топилиши шарт.
Мерцнинг қатъий баёноти Киевда кеча тунда ва 28 август тонггида кузатилган ҳаво ҳужумлари фонида янгради. Маълумотларга кўра, Украина пойтахтида бир неча марта ҳаво тревогаси эълон қилинган. Шаҳардаги портлашлар оқибатида транспорт ҳаракати қисман тўхтатилган, ёнғинлардан чиққан қора тутун эса осмонни қоплаган.
Сўнгги маълумотларга кўра, ҳужумлар оқибатида камида 19 киши ҳалок бўлган.
Муттахассислар фикрича, бу вазият Россия ва Украина ўртасида сиёсий мулоқотни янада мураккаблаштиради. Мухлислар эса келгуси дипломатик қадамлар қандай йўналиш олишини қизиқиш билан кузатмоқда.
«Замин»ни Telegram’да ўқинг!
