Forbes 2025 йил учун Россиянинг энг бадавлат аёллари рўйхатини тақдим этди. Янгиланган рўйхатда янги исмлар пайдо бўлди ва миллиардер аёллар сони рекорд даражага етди. Кетма-кет иккинчи йил етакчиликни Wildberries асосчиси Татяна Ким қўлга киритди.
Рейтингда биринчи ўринда Татяна Ким қайд этилди. Унинг бойлиги 7,1 миллиард долларга (571 миллиард рубл) баҳоланган. 2021 йилда у 13 миллиард долларлик бойлиги билан дунё миллиардерлар рўйхатида ҳам тилга олинган эди. Собиқ эри Бакалчук билан шов-шувли ажримдан кейин Ким компаниянинг 64,35 фоиз улушини ўзида қолдирган.
Иккинчи ўрин хусусий инвестор Татяна Литвиненкога насиб этди. Унинг бойлиги 3 миллиард доллар (240 миллиард рубл)га тенг. У ҳақида жамоатчиликда жуда кам маълумот мавжуд. Учинчи поғонани эса узоқ вақт рейтинг етакчиси бўлган “Inteko”нинг собиқ эгаси Элена Батурина эгаллади. Унинг бойлиги 1,3 миллиард доллар (104,3 миллиард рубл) деб баҳоланган.
Тўртинчи ўринда “Uralsib” банкининг катта улушига эгалик қилувчи Людмила Коган жойлашди. Унинг капитали 1,2 миллиард доллар (96,3 миллиард рубл). Бешинчи поғонага эса илк бор Forbes рўйхатига кирган Татяна Володина чиқди. У L’Etoile ва Podrujka компанияларига эгалик қилади, бойлиги эса 1,15 миллиард доллар (92,3 миллиард рубл)ни ташкил этади.
Кучли ўнталикдан шунингдек Наталя Луценко (1,15 миллиард доллар), Екатерина Федун (1,15 миллиард доллар), Виктория Михелсон (1,1 миллиард доллар), шунингдек Эвгенева ва Лидия (902 миллион доллар) ҳам ўрин олдилар.
«Замин»ни Telegram’да ўқинг!
