АҚШ президенти Доналд Трампнинг ўғли Эрик Трамп келажакда Америкада давлат раҳбарлиги учун курашга қўшилиши мумкинлигини рад этмади.
Nikkei нашрига берган интервьюсида журналистнинг “Президентликка номзодингизни қўйишингиз мумкинми?” деган саволига у шундай жавоб қайтарди:
“Йўқ” демайман, бир вақтнинг ўзида “ҳа” ҳам демайман”.
Эрик Трамп сўзларида, бу имкониятни “ҳеч қачон четга сурмаслигини” таъкидлади, аммо у ўзини сиёсатдан кўра бизнес оламида кўпроқ кўраётганини билдириб ўтди.
Маълумки, у World Liberty Financial криптовалюта компаниясига раҳбарлик қилади ва молия ҳамда технология соҳаларидаги фаолияти билан машҳур.
Эслатиб ўтамиз, бир неча кун аввал АҚШ президенти Доналд Трамп навбатдаги сайловларда қатнашмаслигини айтганди. Шу боис Эрик Трампнинг эҳтимолий номзоди ҳақидаги гаплар сиёсий доираларда катта қизиқиш уйғотмоқда.
Экспертлар фикрича, агар Эрик Трамп президентликка даъвогарлик қилишга қарор қилса, у нафақат отасининг меросини давом эттиради, балки Америка сиёсат майдонида янги ранг олиб кириши ҳам мумкин.
«Замин»ни Telegram’да ўқинг!
