Россиялик аёлнинг дам олиш сафари кутилмаган тарзда суд жараёнига сабаб бўлди. У Бирлашган Араб Амирликларидаги “ҳаммаси ичига киритилган” хизматли меҳмонхоналардан бирини танлаган эди. Бироқ сайёҳ курортга етиб боргач, ваъда қилинган спиртли ичимликлар мавжуд эмаслигини аниқлади.
Туроператорнинг реклама ваъдаларига ишонган аёл, ичимлик олиш учун бошқа амирликка боришга мажбур бўлган. Бу эса қўшимча харажатларга ва, унинг сўзларига кўра, маънавий ноқулайликларга олиб келган.
Натижада у туроператорга қарши судга мурожаат қилиб, 300 минг рубл миқдорида моддий ва маънавий зарар пули талаб қилди. Суд эса даъвогар аёлнинг фойдасига қарор чиқарди, аммо товон миқдорини 30 минг рубл билан чеклади.
Мазкур воқеа туристлар учун яна бир бор саёҳат олдидан шарт-шароитларни аниқлаб олиш муҳимлигини эслатиб қўйди.
«Замин»ни Telegram’да ўқинг!
