Британиялик муносабатлар бўйича эксперт Трейси Кокс Daily Mail учун аёлларнинг нега 160 см дан паст бўлган эркаклар билан учрашишдан бош тортишини муҳокама қилди. У айтишича, бу қарор одатда очиқчасига айтилмайди, лекин аёллар ўз танловини “бўйи баланд эркак ёнида аёлликни ҳис қилиш” ёки хавфсизлик ҳисси билан изоҳлайди.
Баъзи аёллар шунчаки ўпиш, қучоқлаш ёки дўстларининг қарашларига дуч келишни хоҳламасликларини тан олишади. Ҳатто айримлари очиқчасига шундай дейди: “Мен паст бўйли йигит билан учрашгандан кўра, бир умр ёлғиз қолишни афзал кўраман”.
Бундай қарорлар паст бўйли эркаклар учун оғир бўлади: улар рад этилиш, ўзини қобилиятсиз ҳис қилиш ва ҳатто депрессия билан юзлашади. Тадқиқотлар шуни кўрсатадики, бўйи 180 см дан ошган эркаклар танишув иловаларида 40% кўпроқ мос келади, кўпроқ даромад қилади ва етакчилик лавозимларида кўпроқ эътироф этилади.
Шунга қарамай, баъзи аёллар эски қарашлардан воз кечиб, ўзини эркин ҳис қиладиган паст бўйли эркаклар билан мустаҳкам муносабатлар қурмоқда. “Агар менинг бўйим уни безовта қилмаса, мен ҳам безовта қилмайман”, дейди шундай аёллардан бири.
«Замин»ни Telegram’да ўқинг!
