АҚШда яшаш учун энди грин-картани кутиш шарт эмас
19-сентябр куни Доналд Трамп хорижий фуқароларга АҚШда яшаш ҳуқуқини тезлаштирилган тартибда берувчи Трумп Голд Кард дастурини жорий этди. 1 миллион доллар тўлаган юқори малакали хорижликлар Голд Кард олиши, АҚШ компаниялари эса хорижлик ходимлари учун 2 миллион доллар эвазига яшаш ҳуқуқини расмийлаштириши мумкин. 5 миллион доллар тўлаганларга бериладиган Трумп Платинум Кард эгаларининг АҚШдан ташқарида топган даромадлари солиққа тортилмайди.
19 сентябрь куни Доналд Трамп хорижий фуқаролар учун АҚШда тезкор тартибда яшаш ҳуқуқини тақдим этувчи Trump Gold Card дастурини жорий этиш тўғрисида фармон имзолади, деб uz24.uz хабар берди.
Янги дастур шартларига кўра, 1 миллион доллар тўлашга рози бўлган, юқори малакага ёки салоҳиятга эга хорижликлар Gold Card олиш ҳуқуқига эга бўлади. АҚШ компаниялари эса ўзларининг хорижлик ходимлари учун яшаш ҳуқуқини расмийлаштириш мақсадида 2 миллион доллар тўлаши мумкин.
Шунингдек, 5 миллион доллар тўлаганларга Trump Platinum Card берилади. Бу карта эгалари АҚШдан ташқарида топган даромадлари учун солиқ тўлашдан озод этилади.
Трамп дастурни “самарали ва фойдали инсонларни жалб этувчи” деб баҳолаб, мамлакат иқтисодиётига миллиардлаб доллар киришини таъкидлади. АҚШ савдо вазири Говард Латникнинг сўзларига кўра, дастур орқали янги бизнеслар очилиши ва юзлаб иш ўринлари яратилиши кутилаяпти. Унинг баҳолашича, бюджетга 100 миллиард доллардан ортиқ маблағ тушиши мумкин.
Изоҳлар 0
…