Трамп Зеленский ва дунё етакчилари билан учрашади

АҚШ президенти Дональд Трамп бугун қатор икки томонлама учрашувлар ўтказиши режалаштирилган. Улар орасида Украина раҳбари Владимир Зеленский ҳам бор.

Бу ҳақда Оқ уй матбуот котиби Кэролин Лейвитт брифингда маълум қилди.

Унинг сўзларига кўра, президент шунингдек, БМТ Бош котиби, Аргентина ҳамда Европа Иттифоқи етакчилари билан ҳам суҳбатлашади.

Бундан ташқари, Трамп Қатар, Саудия Арабистони, Туркия, Индонезия, Покистон, Миср, БАА ва Иордания вакиллари иштирокида кўп томонлама учрашув ҳам ўтказиши белгиланган.

Чарос Заркараева

«ЗАМИН.УЗ» муҳаррири