Зеленский президентликдан кетиш шартини очиқ қилди

Украина раҳбари Владимир Зеленский президентликдан фақатгина муайян шарт бажарилганидан сўнг воз кечишини маълум қилди.

Унинг сўзларига кўра, асосий шарт — Россия билан давом этаётган урушга нуқта қўйилиши. Зеленский бу ҳақда очиқ сўзлаб, унинг президентлик лавозимини эгаллаб тургани шахсий истак эмас, балки вазият тақозоси бўлганини таъкидлади.

“Агар Россия билан можаро тўхтаса, кетишга тайёрман. Чунки бу менинг орзум эмас, балки мажбурий қарорим”, — деди Украина президенти.

Шу билан бирга, Зеленскийнинг таъкидлашича, у Украинада тинчликка эришиш учун бор имкониятини ишга солишда давом этади. Унинг фикрича, мамлакатда уруш ниҳоя топиши нафақат сиёсий, балки халқнинг эркинлиги ва келажаги учун ҳал қилувчи қадамдир.

Чарос Заркараева

«ЗАМИН.УЗ» муҳаррири