Рютте: НАТО Россия самолётини уриб тушириши керак

NATO бош котиби Марк Рютте Россия ҳаво ҳужумчи самолётларига нисбатан қатъий чоралар кўриш тарафдори эканини билдирди.

“Мен Трампнинг чақириқларини қўллаб-қувватлайман. Агар Россия самолёти НАТО ҳаво ҳудудини бузса, уни уриб тушириш керак”, — деди у Fox News телеканалига берган интервьюсида.

Эслатиб ўтамиз, АҚШ президенти Доналд Трамп Украина раҳбари Владимир Зеленский билан матбуот анжуманида НАТО давлатлари ўз ҳаво ҳудудига кирган Россия учоқларини йўқ қилиши мумкинлигини айтган эди.

Шу билан бирга, ундан: “Агар Европа Россия самолётини уриб туширса, АҚШ уларни ҳимоя қиладими?” — деган савол сўралди. Трамп эса бу борада аниқ жавоб бермасдан, “ҳолатга боғлиқ” дея изоҳ билан чекланди.

Чарос Заркараева

«ЗАМИН.УЗ» муҳаррири