Кеча Эронда Исроилнинг «жосуси» қатл этилди
Эрон ҳукумати Моссад учун маълумот тўплаган Баҳман Чоуби-Аслни 29 сентябр куни қатл этди. Суд ҳужжатларига кўра, у давлат муассасалари ва маълумот марказларига кирган, электрон ускуналар импорти йўналишини аниқлаган ҳамда зарарли операцияларни амалга оширган. Эрон Олий суди унинг шикоятини рад этиб, “ер юзидаги бузғунчилик” моддаси бўйича чиқарилган ўлим жазосини кучда қолдирган.
Эрон ҳукумати Исроил разведкаси – Моссад учун маълумот тўплаган Баҳман Чоуби-Асл исмли шахсни 29 сентябр куни қатл этди. Бу ҳақда Al Arabiya нашри хабар берди.
Суд ҳужжатларига кўра, Чоуби-Асл Исроилнинг Эрондаги энг асосий жосусларидан бири бўлиб, давлат муассасалари ва маълумот марказларига кириш, электрон ускуналар импорти йўналишини аниқлаш ва турли зарарли операцияларни амалга оширган.
Эрон Олий суди унинг шикоятини рад қилиб, “ер юзидаги бузғунчилик” (фисод фил-арз) моддаси бўйича чиқарилган ўлим жазосини кучда қолдирган.
Шунингдек, Эрон ҳукумати 2025 йил бошидан буён Исроил фойдасига жосусликда айбланган камида 10 шахснинг қатл этилганини маълум қилди.
Изоҳлар 0
…