Ту-154 қулаган тахминий жой маълум қилинди

Россия Мудофаа вазирлигининг Ту-154 самолёти Краснодар ўлкасидаги тоғлар устида қулаган. Бу ҳақда Kun.uz сайти манбаларга асосланиб хабар берди.

«Дастлабки маълумотларга кўра, Москвадан учиб, Сочида ёқилғи қуйиш учун тўхтаб ўтган Ту-154 самолёти Россия ҳудудидан чиқиб кетмаган. У Краснодар ўлкасидаги тоғларга қулаган бўлиши мумкин», — деган манба.

Самолёт Сочидан Москва вақти билан соат 5:20да Суриянинг Латақия шаҳрига йўл олган ва 20 дақиқадан кейин радарлардан йўқолган.

Унинг бортида дастлаб 70 ҳарбий бўлгани айтилганди. Кейинроқ, самолётда жами 91 киши бўлгани маълум қилинди. Улар экипажнинг 8 аъзоси ҳамда асосий қисми мусиқачилар ва журналистлардан иборат йўловчилар. «Замин»ни Telegram’да ўқинг!