Ту-154 бортида «Первый канал» ва «Звезда» канали журналистлари ҳамда Александров ансамбли мусиқачилари бўлган

Қора денгиз устида қулаб тушган Россия Мудоафаа вазирлигининг Ту-154 самолёти бортида 9 журналист ва Александров ансамблининг 68 мусиқачиси бўлган. Журналистлар орасида «Первый канал» ва «Звезда» канали мухбирлари бўлишган. Бу ҳақда Kun.uz сайти манбаларга асосланиб хабар берди.

«Первый канал» ходимлари: мухбир Рунков, оператор Денисов, овоз оператори Сойдов.

«Звезда» матбуот хизмати ҳозирча бу маълумотни тасдиқламади.

Россия Мудофаа вазирлиги Ту-154 самолёти Суриядаги Хмеймим авиабазасига йўл олганини тасдиқлаган. Ансамбль у ерда бир марта концерт бериб, ортга қайтиши керак бўлган.