Қиш фасли яқинлашар экан, Украина энергетика тизими яна бир оғир зарбага дуч келди. Россия қўшинлари "ДТЭК Энерго" компаниясига тегишли бўлган кўмир бойитиш заводига навбатдаги ҳужумни амалга оширди, деб хабар берди компания матбуот хизмати.
Ҳужум оқибатида корхонада ёнғин келиб чиққан, биноларнинг айрим қисми вайрон бўлган ва технологик жиҳозлар жиддий шикастланган. Ходимлар ўз вақтида бошпанага киришгани сабабли қурбонлар қайд этилмаган.
Маълумотларга кўра, бу сўнгги олти ҳафта ичида заводга қилинган учинчи йирик ҳужум ҳисобланади. Илгари бундай зарбалар 26 август ва 8 сентябрь кунлари амалга оширилган эди.
Компания маълумотига кўра, фронт чизиғи яқинлашиб келаётгани ва ходимлар хавфсизлигига таҳдид туғилгани сабабли, Украина иссиқлик электр станцияларини кўмир билан таъминлаб турган завод фаолиятини вақтинча тўхтатишга тўғри келган.
Ҳозирги пайтда корхона ишлаб чиқариш қувватини тўлиқ йўқотган, асосий ускуналар эса яроқсиз ҳолатга келган.
“Zamin”ни Telegram'да ўқинг!
