Украина президенти Владимир Зеленский Россия раҳбари Владимир Путиннинг ўз лавозимида ўлгунча қолишни исташини таъкидлади ва бунга жамоат қўллаб-қуввати кераклигини айтиб ўтди. Унинг сўзларига кўра, шу боис Путин Украина урушининг давом этишини хоҳлаб, буни сиёсий манфаатлар билан боғламоқда.
Зеленскийнинг таъкидлашича, бу уруш ер учун эмас, балки Украина мустақиллиги ва халқнинг ҳақ-ҳуқуқи учун олиб борилаётган курашдир. «Мен нега Ер юзининг энг катта давлат раҳбари яна бир неча километр ерни истайди, тушунмайман», — деди у ва бу низо ниҳоятда муҳим деган фикрни билдирди.
Президент шу билан бирга жанг майдонидаги аҳвол ҳақида ҳам фикр билдирди: «Биз бу урушда ютқазмаяпмиз, Путин ҳам ғалаба қозонмаяпти. Унинг армияси ҳозир заиф аҳволда. Улар ҳудудларимизнинг атиги 1 фоизини эгаллаган, лекин бунинг учун 1,3 миллион одамини йўқотган», — деб қўшимча қилди Зеленский.
“Zamin”ни Telegram'да ўқинг!
