Хитойнинг Чжетсзян провинциясида бабл-ти ишқибози ичимлик учун 14 минг долларга (тахминан 1,1 миллион рубль) махсус олтин найча буюртма қилган ва уни йўқотиб қўйган. Эркакнинг ҳикояси ҳақида South China Morning Post ёзади.
Эркакнинг сўзларига кўра, у бир куни кечаси уйига мопедда қайтаётганда канализация люкини босиб кетган. Шу пайт трубка шимининг чўнтагидан тушиб кетди. Эркак буни пайқади, тўхтади ва бир соат давомида найчасини қидирди.
Мустақил қидирувлар боши берк кўчага кириб қолганидан сўнг, бабл-ти ишқибози полиция чақиришга қарор қилди. Икки полициячи эркакнинг олтин найчани топишда ёрдам сўраганидан ҳайрон бўлишди, аммо унга ёрдам беришга қарор қилишди. Ярим соатдан кейин улар тротуарда, канализация люкидан тахминан 100 метр нарида ётган найчани топишди.
Ҳодиса натижасида олтин найча шикастланган, шунинг учун эркак уни қайта эритиб, кейинги ёзда бошқасини ясашини айтди. Унинг қўшимча қилишича, у энди чўнтагида бабл-ти найчаларини олиб юрмайди.
“Zamin”ни Telegram'да ўқинг!
