Лувр ички хавфсизлик тизими билан ишончли ҳимоялангани ҳақидаги барча баёнотларга қарамай, маълум бўлишича, видеокузатув тизимлари Лувр пароли билан ҳимояланган ва музейнинг дастурий таъминоти операцион тизимнинг эски версияларида ишлаган, деб ёзади Liberation.
Мутахассислар музей хавфсизлигига оид махфий текширувлар билан танишиб, унинг компьютер хавфсизлигида қандай кўламдаги қоидабузарликлар мавжудлигини аниқладилар. 19 октябрь куни Маданият вазири Рашида Дати ҳайратланарли ўғирликдан сўнг дарҳол: "Музей хавфсизлик тизимлари панд бермади," деди. Бироқ орадан бир неча кун ўтгач, бу баёнотга тузатишлар киритилди: "хавфсизлик тизимидаги бўшлиқлар ҳақиқатан ҳам мавжуд эди" ва хавфсизлик тизимидаги бўшлиқларни бартараф этиш учун фавқулодда чоралар кўриш керак.
Оддий Louvre паролидан ташқари, маълумотлар ҳатто ишлаб чиқувчи томонидан ҳам қўллаб-қувватланмайдиган ва Windows Server 2003 асосида ишлайдиган дастурий таъминотда сақлангани ҳам маълум бўлди. Ажабланарлиси шундаки, хавфсизлик қоидаларининг бузилиши ва IT тизимидаги хатолар бир неча йил олдин маълум бўлган. Афсуски, "ҳушёр" раҳбарият ҳеч қандай қатъий чора кўрмади.
“Zamin”ни Telegram'да ўқинг!
