Даниянинг Орхус университети олимлари Адольф Гитлер ДНКсини таҳлил қилиб, унда бир нечта руҳий касалликларга генетик мойиллик мавжудлигини аниқлашди, деб ёзди Daily Mail.
Тадқиқотда маълум бўлишича, Гитлерда диққат етишмовчилиги ва гиперфаоллик синдроми (DEHS), аутизм, биполяр бузилиш ҳамда шизофрения ривожланиш эҳтимоли юқори бўлган.
Олимлар таҳлил учун 1945 йилда Гитлер ўз жонига қасд қилганидан кейин америкалик офицер Росвелл Розенгрен томонидан унинг бункеридаги дивандан олинган қон изларидан фойдаланган. Бу намуна кейинчалик геном даражасида ўрганилиб, тахминан уч миллиард генетик йўриқ (инструкция)ни қамраб олган маълумотлар орқали таҳлил қилинган.
Мутахассислар хулосасига кўра, Гитлер диққат етишмовчилиги ва гиперфаоллик синдромига мойил бўлган, шунингдек аутизм ва шизофрения хавфи юқори бўлган аҳолининг 1 фоиз қатламига тўғри келган. Бу касалликлар насл орқали ўтиш эҳтимоли бор.
Ирландиядаги Тринити коллежи профессори Майкл Фицджералднинг таъкидлашича, бундай ҳолатлар комбинацияси “жуда ноёб” бўлиб, Гитлерни “жиноятга мойил аутистик психопат” деб аташ мумкин.
Шунингдек, олимлар Гитлернинг қариндоши Вейт Алоизий Венадаги руҳий шифохонада бир неча йил даволанганини ҳам қайд этган. У галлюцинациялар ва ғайриоддий хатти-ҳаракатлар туфайли кўп марта тўшакка боғлаб қўйилган. Бу ҳолат Гитлердаги руҳий бузилишларда ирсий омиллар катта роль ўйнаганини кўрсатади, деб хулоса қилинган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
