Россия узоқ авиацияси Сурияда ИШИД объектларига зарбалар берди

6 та узоқ бомбардимончи Ту-22М3 самолётлари Россия ҳудудидан кўтарилиб, Суриянинг шимолидаги Даур-аз-Зор вилоятида ИШИД террорчилари объектларига зарбалар берди. Бу ҳақда Россия мудофаа вазирлиги маълум қилди.

Террорчилар лагери, қурол-аслаҳа омборлари, зирҳли техника ва тирик куч нишонга олинди.

Бомбардимончиларни Ҳмаймим аэродромидан кўтарилган Су-30СМ ва Су-35С қирувчи самолётлари қўриқлаб борган.

Жанговар вазифа бажариб бўлингач, барча самолётлар ортларига қайтган.