19 ноябрь куни Тернопил шаҳрига амалга оширилган Россия ракета ҳужумидан қурбон бўлганлар сони 34 нафарга етди. Бу ҳақда вилоят ҳарбий маъмурияти раҳбари ўринбосари Тарас Пастух якшанба куни, 23 ноябрда, маълум қилди. "Биз тасдиқлашимиз мумкинки, 34 киши ҳалок бўлган, улардан 33 нафарининг шахси аниқланди," — деди у Telegram орқали.
Пастухнинг сўзларига кўра, яна бир эркак жасадининг шахси мутахассислар томонидан аниқланмоқда. Шунингдек, олти киши — икки эркак, уч аёл ва бир бола — дараксиз йўқолганлар рўйхатига киритилган.
Ҳужумдан тўртинчи куни, Тернопилда қидирув-қутқарув ишлари тўхтатилди. Ҳозирда полиция ходимлари уй қайси турдаги қурол билан йўқ қилинганини аниқлаш учун далилларни тўплашмоқда.
"Бу Россиянинг Х-101 туридаги ракета зарбаси бўлган, деган тахмин мавжуд, аммо тергов учун далиллар йиғиб олиниши лозим," — деди Пастух. Унинг қўшимча қилишича, ҳужум натижасида тўққиз қаватли турар жой биноси қисман қулаган, яна бир шундай уйга жиддий зарар етган. Россия ҳарбийлари Тернопилда тинч фуқароларнинг ўлими ҳақида ҳеч қандай изоҳ бермаган. Шу билан бирга, РФ Мудофаа вазирлиги зарба ҳарбий-саноат ва энергетика объектларига берилганини таъкидламоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
