Россия Алоқа, ахборот технологиялари ва оммавий ахборот воситаларини назорат қилиш бўйича федерал хизмати (Роскомнадзор) Snapchat мессенжерига қарши ҳаракатни бошлади ва сервисни блоклади. Бу ҳақда РБК хабар тарқатди.
Роскомнадзорнинг тушунтиришича, айни пайтдаги ахборотларга кўра, Snapchat сервиси Россияда терроризмга алоқадор ҳаракатларни ташкил этиш, уларни амалга ошириш, террористик ташкилотларга ёллаш ва бошқа жиноятларни содир этиш учун қўлланилаётгани аниқланган. Шу билан бирга, мазкур платформада маълумотларнинг тарқалиши, бошқа давлатларга қарши турли хил жиноятларнинг содир этилиши эҳтимоли хавфли бўлиб, бу билан алоқада бўлган шахслар ҳам аниқланган.
Snapchat мессенжери 2011 йилда Стэнфорд университети талабалари Эван Шпигел, Фрэнк Браун ва Бобби Мерфи томонидан ишлаб чиқилган. Ушбу платформа, фойдаланувчиларга суратлар, хабарлар ва видеоларни қисқа вақтда йўқ бўлиб кетиши мумкин бўлган ҳолда алмашиш имконини бергани билан машҳур. Snapchat’нинг оммавий бўлишида энг муҳим омиллардан бири — у фойдаланувчиларга кўринишини ўзгартирадиган фильтрлар ва маскаларни таклиф этди. Шунингдек, "ҳикоялар" функсияси ҳам биринчи марта айнан Snapchat’да пайдо бўлган.
2017 йилда Snap Inc. компаниясининг оммавий савдога чиқарилиши натижасида, Snapchat Нью-Йорк фонд биржасида 25 миллиард долларга баҳоланган. Сервиснинг 2025 йилга келиб, ойлик фойдаланувчилари 943 миллион кишига етиши кутилмоқда.
Эслатиб ўтамиз, аввалига WhatsApp мессенжери ҳам Россия қонунчилигига мувофиқлашмаслик сабабли блокланиши мумкинлиги ҳақида маълумот берилган эди. Ушбу ҳолатлар Россиядаги ахборот ва алоқа тизимлари назоратини янада кучайтиришга олиб келмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
