Сунъий интеллектни чеклашга қаратилган ҳаракатда фаол иштирок этган америкалик Сем Киршнер икки ҳафтадирки бедарак. Atlantic’нинг маълум қилишича, у Stop AI гуруҳининг асосчиларидан бири бўлиб, сунъий суперинтеллектни ишлаб чиқишни тўхтатишни талаб қилиб келган.
Киршнер аввал зўравонликка қарши эканини таъкидларди, аммо вақт ўтиши билан бу тамойилдан чекинган ва ҳаракатдан четлатилган. Stop AI раҳбари Метю Холл унинг охирги йиғилишларда жамоа билан тортишгани, ҳатто пул масаласида шахсан низолашганини айтади. Шу боис гуруҳ аъзолари полицияга мурожаат қилган.
Киршнер февралда OpenAI офисини тўсиб қўйгани учун белгиланган суд мажлисига ҳам келмаган. Унинг уйига кирилганда, эшик очиқ, велосипед йўқ, аммо телефон ва ноутбук жойида қолган — бу эса воқеани янада сирли қилмоқда.
Сан-Франcисcо Стандард маълумотига кўра, полиция Киршнер OpenAI ходимларига таҳдид қилгани ҳақида икки телефон огоҳлантирувини қайд этган. Танишлари эса у эҳтимол чодирда яшириниб юрган бўлиши мумкинлигини тахмин қилмоқда.
Бу ҳолат сунъий интеллект атрофидаги баҳслар кучайган, мамлакатлар интернет ва рақамли майдонни янада қатъийроқ назорат қилишга ўтаётган бир пайтда содир бўлмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
